Kona Ba Ami
Kona Ba CHL Group
Hahu iha Austrália iha 1993, CHL habelar ona ninia operasaun ba Sul Asia, Sudeste Asi no Sul América. CHL oras ne’e iha portofoliu liu husi propriedade 5,580 iha CHL nia jestaun iha Australia laran tomak inklui Victoria, New South Wales, Western Australia, South Australia, Queensland no Tasmania.
Internasionalmente, CHL dezenvolve ona parseria estratéjiku ho governu no ajénsia governu sira no hala’o hela projetu hari uma iha Timor-Leste, Chile, no India. CHL iha esperiénsia barak tebes hari’i uma ne’ebé adekuadu.
CHL lidera iha esperénsia tinan rua-nulu (20) ona halao parseiru ho governu nasionál no estadu, autoridade lokál, ajénsia apoiu sosiál, no grupu komunidade lokál sira hodi hare kona-ba problema local asesu ba uma baratu. CHL kria komunidade ne‘ebé forte hodi mantein komunidade lokal iha nafatin sira-nia área.
Iha Australia, CHL dezenvolve habitasaun uma ho kustu ne’ebe adekuadu ne’ebe bele utiliza iha tempu naruk nia laran, operasaun ba jestaun arrendamentu. Buat sira ne’e inklui hakbesik ba komunidade ne’ebe presiza assesu ba uma, konsepsaun projeitu, finanseiru seguru, akuisasaun rai, desenhu projeitu no supervizaun konstrusaun, jestaun aluga uma ba tempu naruk ba ema ema ho rendimentu kiik.
CHL registu hanesan organisasaun-karidade ida no kompanhia limitada ne’'ebe ho garante. CHL hahu hala’o ninia operasaun hanesan kompanhia limitada sira seluk,
Community Housing Ltd estabelese nia operasaun iha Timor-Leste iha 2004 fornese advokasia ba uma no fo konsellu polítika atu fó apoiu ba Governu Timor Leste atu dezenvolve programa ne’ebé sei ajuda populasau tmba kuaze 80% husi populasaun sei presiza uma ne’ebe adekuadu.
CHL mós prepara konseitu no konstrusaun ba uma; formasaun no fo empregu iha area konstrusaun ba dezempregu sira ba tempu naruk nia laran, dezenvolve projetu konstrusaun ne’ebé fornese infra-estrutura esensiál ba komunidade.
CHL dezempeña papél ida ne’ebé importante tebes hodi fó oportunidade treinamentu servisu nian ba traballadór hotu-hotu hodi bele haklean sira nia abilidade. CHL hetan ona rekoñesimentu hanesan katalizadór iha merkadu komérsiu profisionál ne’ebé kualifikadu. CHL mos sai hanesan organizasaun ne’ebe iha vizaun hodi haburas no investe jerasaun foun ba iha kampu traballu liliu ba area konstrusaun nian.
Ami nia -nia Objetivu iha Timor-Leste mak:
Harii uma hodi hadi’a kualidade moris ba grupu alvu.
Introdús uma ne’ebé dura, modernu no kustu ne’ebe adekuadu hodi apar ho Timor-Leste nia kondisaun ekonomika.
Fornese estájiu atu ema sira nebe hetan opportunidade asesu ba formasaun atu hasae sira nia abilidade iha area konstrusaun
Fornese kampu traballu hodi tulun ema sira atu hetan rendimentu.
Ba objetivu hirak ne’e CHL buka atu hametin servisu ho ninia parseria Governu Republica Democratica De Timor Leste (RDTL), parseiru internasionál no nasionál sira atu halo kontribuisaun ne’ebé klaru hodi dezenvolve nasaun foun Timor Leste hanesan nasaun foun ida iha Ázia.
VIZAUN & MISAUN
Vizaun:
Mundu ne’ebe laiha pobreza ba habitasaun
Misaun:
Servisu hamutuk hodi garante no fornese habitasaun adekuadu ba ema hotu liu husi:
Fornese hela fatin ne’ebe assesivel, ne’ebe garanti iha tinan barak inklui servisu ba uma ne’ebe adekuadu no konfortavel;
Fo assistensia ba populasaun atu bele hetan asessu ba hela fatin, nune’e hodi harii relasaun diak ho komunidade sira;
Garantia atu konstrusaun ba uma hodi bele mantein nafatin sustentabilidade sosial, ekonomia no ambiental;
Kria oportunidade ba kampu traballu no formasaun ba komunidade sira;
Fo assistensia ba dezenvolvimentu no sustentabilidade ba komunidade liu husi diversidade sosial, hodi promove inisiative sira iha konstrusaun iha komunidade nia le’et atu bele melhora iha kestaun saude no nia bem-estar ba ema sira ne’ebe iha klasse media;
AMI NIA EKIPA
Nudar Timoroan ami orgullu tamba ho espiritu badinas, abilidade no kapasidade ne’ebe ami iha bele kontribui ba organizasaun ne’ebe hanaran Community Housing Limited, ne’ebe agora dadaun iha Timor-Leste rejistradu ona hanesan kompanhia Lokal ida ho naran Community Housing Timor Lda, neébe foku ba area konstrusaun, konsultansia, treinamentu no karpintaria. Profissional servisu sira ne’ebe faz parte iha CHL Timor hamutuk ema nain sanulu resin tolu (13), ne’'ebe iha esperiencia oinoin iha area Enjenharia Civil, Finansas, Rekursus Humanus, Administrasaun no Marketing. Iha ami nia servisu ami iha esperansa bo’'ot hodi dezenvolve kompanhia hodi kontribui ba dezenvolvimentu sustentavel Timor-Leste nian, nunee mos hodi fo impaktu sosial ba komunidade.
-
Steve Bevington
Managing Director
-
Jocelino B Alves
Country Manager, CHL Industires, Timor-Leste
